أشتهيت سوالفك هم ألك نيه أتعود
گلي درب الماخذك مابي أمــل ترجع ..
رغم ادري خبر للملگه ما مأمول
أعرف ما ترد بس اني ما اقنع ..
تــانيتك مـتانـه المؤمــن للأذان
أشتهى يلاكي ألاله يسبح ويركع ..
رحت عني ولا شبعان منك شوف
من غابت عيونك عيني بس تدمع ..
هذا الليل ما يــشبه هــذاك الليل
الجان بجال شخصك بالنجم يلمع ..
تذكرت السوالف وأنجوى الدلال
طــولنه بــحجينه الفجر ما يطلع ..
وحك ذاك المسامر أني ألك مشتاك
أكـــحل عيني اشوفك يــبرد البيه ..
صعب نتلاكه , وجه بوجه ,لا ماريد
حتى بــحـلم أقـبـل تـنحسب جــيـه ..
عمري مناطرك , وبحلم مامريت
علي صارت هـوايه حتى الشويه ..
صفكت اليمنه فوك اليسرى حيران
دنــيا بكل قــواهه أنــدارت أعــليه ..
أجن كل ذكرياتك وأنت أبد ماجيت
عيوني اعله الدرب ممدوده يوميه ..
ما جـــر النفس حسرات أجر أعليك
عكس صاير شغلهه أختنكت الريه